Müasir təhsil mühitində rəqəmsal bacarıqlar müəllimin peşəkar fəaliyyətinin ayrılmaz hissəsinə çevrilmişdir. Müəllimlər üçün Rəqəmsal Savadlılıq təlimi müəllimlərin beynəlxalq səviyyədə tanınan ICDL (International Certification of Digital Literacy) proqramının ICDL kompüter və onlayn əsaslarmodulu üzrə bilik və bacarıqlarını inkişaf etdirmək məqsədi daşıyır.
Təlim iştirakçılara kompüterdən səmərəli istifadə, əməliyyat sistemi ilə işləmə, fayl və qovluqların idarə edilməsi, internetdən təhlükəsiz və məqsədyönlü istifadə, elektron poçt, onlayn əməkdaşlıq və kibertəhlükəsizlik sahəsində praktiki bacarıqlar qazandırır.
Proqram beynəlxalq ICDL standartlarına uyğun hazırlanmışdır və müəllimlərin gündəlik pedaqoji fəaliyyətində rəqəmsal texnologiyalardan daha effektiv istifadə etməsinə dəstək verir. Təlim zamanı mövzular real nümunələr, praktik tapşırıqlar və sınaq testləri ilə izah edilir, iştirakçılar ICDL sertifikat imtahanına hazırlıq istiqamətində sistemli şəkildə istiqamətləndirilirlər.
Təlim tam onlayn formatda keçirilir və müəllimlərə öz iş qrafiklərinə uyğun şəkildə öyrənmək imkanı yaradır. Təlimin sonunda iştirakçılar kompüter və internetdən təhlükəsiz, səmərəli və peşəkar istifadə bacarıqlarını inkişaf etdirərək həm beynəlxalq sertifikat imtahanına, həm də müasir tədris prosesinə daha hazırlıqlı olurlar.
